Այսօր Մառլոն Բրանդոյի ծննդյան օրն է

Ամերիկացի հայտնի դերասան Մառլոն Բրանդոն (անգլերեն՝ Marlon Brando) ծնվել է 1924թ. ապրիլի 3-ին, ԱՄՆ-ում: Նա 8 անգամ ներկայացվել է Օսկարի, ստացել է 2 Օսկար, 9 անգամ ներկայացվել է Ոսկե Գլոբուսի, ստացել 2-ը: Ամերիկյան կինոակադեմիայի կողմից 1999 թվականին հրապարակված Ամերիկյան բոլոր ժամանակների ֆիլմերի 100 մեծագույն աստղերի ցանկում 4-րդ տեղում է:Բրանդոն ինքն է հեղինակը «Կնքահայրը» ֆիլմում իր հայտնի կերպարի՝ Վիտո Կոռլեոնեի: Ասում են, որ նա նկարել է մատիտով իր բեղերը, ապա անձեռոցիկ դրել բերանում` երկու կողմերում, իսկ մեծ փորի տպավորություն թողելու համար լրացուցիչ շորեր հագել, և կանգնելով հայելու առաջ արտասանել հետևալ խոսքերը, «Սա այն է՝ ինչ հարկավոր է»: Նա չի ներկայացել Օսկարի մրցանակաբաշխությանը ստանալու լավագույն դերասան անվանակարգում նվաճած Օսկարի իր արձանիկը: Խաղացել է 40-ից ավելի ֆիլմերում, որոնցից առավել հիշարժան են`1951 – ««Ցանկություն» տրամվայը», 1952 – «Վիվա Սապատա», 1953 – «Հուլիոս Կեսար», 1954 – «Նավահանգստում», 1958 – «Երիտասարդ առյուծներ», 1967 – «Կոմսուհին Հոնկոնգից», 1972 – «Կնքահայրը», 1972 – «Վերջին տանգոն Փարիզում», 1978 – «Սուպերմեն», 1979 – «Ապոկալիպսիսը հիմա», 1990 – «Նորեկը», 1995 – «Դոն Ժուան դե Մարկո», 1996 – «Դոկտոր Մորոյի կղզին», 1998 – «Հեշտ փողեր»: Աշխարհահռչակ դերասանը մահացել է 2004թվականի հուլիսի 1-ին, Լոս Անջելեսում: