Լևոն Զուրաբյանն առաջատար է թիվ 9 ընտրատարածքում. հարցում

Լուրեր.com-ն իր ընթերցողների շրջանակում անցկացրել էր հարցում՝ «Երևանի թիվ 9 ընտրատարածքում առաջադրված թեկնածուներից որի՞ն եք պատրաստվում տալ Ձեր ձայնը» հարցադրմամբ: Հարցման արդյունքում հարցման մասնակիցների ձայների մեծամասնությունը ստացել է ՀԱԿ համակարգող Լևոն Զուրաբյանը՝ հավաքելով 2110 ձայն (46%): Երկրորդ տեղում է ՀՀԿ-ական պատգամավոր Ռուբեն Սադոյանը՝ 1620 ձայն (35%), երրորդ տեղում 460 ձայնով գտնվում է «Ժառանգություն» կուսակցության վարչության փոխնախագահ Ռուբիկ Հակոբյանը (10%): Ամենաքիչ ձայները՝ ԲՀԿ-ական Նապոլեոն Ազիզյանը (380 ձայն, 8%):

Հարցմանն ընդհանուր առմամբ մասնակցել է 4570 մարդ:

Հիշեցնենք, որ այդ ընտրատարածքում, որն ընդգրկում է Կենտրոն համայնքը, առաջադրվել են Հայ Ազգային Կոնգրեսի Կենտրոնական գրասենյակի համակարգող Լևոն Արամի Զուրաբյանը (ՀԱԿ), Արտաշես Գեղամյանի նախկին զինակից, «Ազգային միաբանության» անդամ, հետագայում ԲՀԿ-ական դարձած Նապոլեոն Սուրենի Ազիզյանը (ԲՀԿ), ԱԺ նախկին պատգամավոր, «Ժառանգություն» կուսակցության վարչության փոխնախագահ Ռուբիկ Կարապետի Հակոբյան («Ժառանգություն») և ԱԺ ՀՀԿ խմբակցության անդամ, մեծամասնական ընտրակարգով Երեւանի Կենտրոն համայնքից ընտրված ՀՀԿ-ական պատգամավոր Ռուբեն Ալֆրեդի Սադոյանը (ՀՀԿ):