Հայաստանում Մեծ հաղթանակի հանդիսություններին առաջին անգամ կմասնակցեն ռուսական կործանիչներ
ԱՐԽԻՎ
Երևանում տեղակայված «Էրեբունի» ռուսական ավիացիոն ռազմակայանի օդաչուները ձեռնամուխ են եղել Հայրենական մեծ պատերազմում խորհրդային ժողովրդի հաղթանակի 70-րդ տարեդարձին նվիրված տոնական թռիչքի վարժանքներին: Հանդիսությունների օրերին առաջին անգամ չորրորդ սերնդի ՄիԳ-29 արդի ճակատային թեթև կործանիչների օղակը մարտական հոծ կարգով կթռչի Երևանի Հաղթանակի զբոսայգու վրայով: Նաև շուրջ 200 ռուս զինծառայողներ կմասնակցեն քաղաքի կենտրոնի հանդիսավոր երթին և հավերժական կրակի և ֆաշիզմի դեմ խորհրդային ժողովրդի տարած հաղթանակին նվիրված հուշարձանի մոտ պսակների և ծաղիկների խոնարհմանը:
Գյումրիում ռուսական ռազմակայանի ավելի քան 800 զինծառայողներ և շուրջ 20 միավոր ռազմական տեխնիկա կմասնակցեն Մեծ հաղթանակի հոբելյանին նվիրված զորահանդեսին:
Գյումրիում և Երևանում հանդիսավոր երթի, ռազմական տեխնիկայի շարասյուների անցման, կործանիչների թռիչքների գլխավոր փորձերը կանցկացվեն մայիսի 5-ին և 7-ին՝ Հայաստանի ռուսական ռազմակայանի հրամանատար գեներալ-մայոր Վլադիմիր Ուստինովի ղեկավարությամբ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
