Շառլ Ազնավուրը Մոսկվայում հանդիպում է ունեցել տարեց երկրպագուհու՝ Լիդիա Ռոդինայի հետ

Շառլ Ազնավուրը հանդիպում է ունեցել իր տարեց երկրպագուհու՝ Լիդիա Ռոդինայի հետ: Շանսոնիեն նրա հետ տեսակցել է կուլիսներում՝ Մոսկվայում կայացած համերգից հետո, որը տեղի է ունեցել ապրիլի 22-ին, տեղեկացնում է «Արմենպրես»-ը՝ հղում անելով «Կոմսոմոլսկայա պրավդա»-ին:

Հրատարակությունը նշում է, որ Ազնավուրը վարդերի փունջ է նվիրել կնոջը, իսկ նա իր հերթին շնորհակալություն է հայտնել Ազնավուրին համերգին հրավիրելու համար: Բացի այդ, Լիդիա Իվանովնան մի քանի հատված է երգել ֆրանսիական «Խաղալիք» կատակերգությունից:

Համերգին թոշակառու կինը եկել էր «Կոմսոմոլսկայա պրավդա»-ի մեկնաբան Եվգենի Չեռնիխի ուղեկցությամբ: Նա պատմել է, որ շոուի սկսվելուց առաջ Ռոդինային ճանաչել են հյուրերից շատերը և խնդրել՝ լուսանկարվել նրա հետ:

Լիդիա Իվանովնան հայտնի է դարձել մարտին այն բանից հետո, երբ «Կոմերսանտի» լրագրող Ալեքսանդր Չեռնիխը հրապարակեց տեսագրություն, որտեղ նա կատարում է Ազնավուրի երգերը: Չեռնիխը տատիկին պատահաբար հանդիպել էր մետրոյում՝ ազդագրի մոտ: Լիդիան նրան պատմել է, թե կցանկանար ներկա լինել համերգին, բայց չգիտի ինչպես դա անել: Տարեց կինը մի քանի տուն է երգել ֆրանսերենով, ինչը լրագրողը հասցրել է նկարահանել հեռախոսով: Ավելի ուշ նա և Եվգենի Չեռնիխը գտել են կնոջը: Շանսոնիեն իմացել է երկրպագուհու մասին և նրան տեսաուղերձով համերգի է հրավիրել: Լիդիա Իվանովնան որոշ տատանումներից հետո համաձայնել է: