Թուրքական կազմակերպությունները կմասնակցեն Փարիզում Հայոց ցեղասպանության զոհերի հիշատակին նվիրված արարողությանը
ԱՐԽԻՎ
Ֆրանսիայի թուրքական կազմակերպություններն առաջին անգամ կմասնակցեն ապրիլի 25-ին Փարիզում Կոմիտասի հուշարձանի մոտ Հայոց ցեղասպանության զոհերի հիշատակին նվիրված արարողությանը:
Ինչպես հաղորդում է «Արմենպրես»-ը, այս մասին «Ամերիկայի ձայն»-ի հետ զրույցում հայտնել է «Թուրքիայի հայրենակիցների միության» (Assemblռe Citoyenne des Originaires de Turquie, ACORT) գլխավոր համակարգող Ումիթ Մեթինը:
«Առաջին անգամ ֆրանսիաբնակ թուրքերը կազմակերպված կերպով կայցելեն Կոմիտասի հուշարձանին, որտեղ կհիշատակեն Հայոց ցեղասպանության զոհերին: Մենք որոշեցինք դա անել ապրիլի 24-ին անցկացվելիք հիշատակի մեծ արարողությունից մեկ օր հետո' ապրիլի 25-ին ժամը 15:00-ին: Մենք Թուրքիային կոչ ենք անելու ճանաչել ցեղասպանությունը»,- ասել է նա:
Փարիզաբնակ գիտնական Ահմեդ Ինսելնն այդ քայլը բնութագրել է որպես «թուրքերի տեսակետից կարևոր փոփոխություն»: «Ե՛վ սփյուռքը, և՛ Հայաստանը, և՛ Թուրքիան այս հարցում դուրս են գալիս առանձին բլոկ լինելուց: Արդեն հայկական սփյուռքում այս հարցում թուրքերի հետ կապեր հաստատելը պաշտպանող հատված է ձևավորվել: Այս պահանջը մեծանում է նաև Թուրքիայում»,- ասել է նա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
