Պատմության մեջ առաջին անգամ աֆրոամերիկուհի է նշանակվել ԱՄՆ-ի գլխավոր դատախազ
ԱՐԽԻՎ
ԱՄՆ-ի Սենատը երկրի գլխավոր դատախազ է հաստատել Լորետա Լինչին, հաղորդում է «Արմենպրես»-ը՝ հղում անելով Associated Press-ին: Նա միաժամանակ կգլխավորի արդարադատության նախարարությունը:
Լինչի թեկնածության օգտին, որը դարձել է առաջին աֆրոամերիկուհին և երկրորդ կինն այս պաշտոնում, քվեարկել է 56 սենատոր, դեմ՝ 43-ը: Սպիտակ տանը Լինչի հաստատումը համարել են «լավ նորություն»:
Լինչը պաշտոնում հաստատվելուն սպասում էր 2014 թվականի նոյեմբերից, երբ նրա թեկնածությունն առաջադրեց ԱՄՆ-ի նախագահ Բարաք Օբաման:
Գլխավոր դատախազի պաշտոնում, ինչպես նշել է Reuters-ը, Լինչին սպասում է ոստիկանների կողմից աֆրոամերիկացիների քաղաքացիական իրավունքների խախտման փաստերով հետաքննությունը: Նա նաև պետք է հետաքննի այն գործերը, որոնք կապված են ԱՄՆ-ում հարկերից խուսափելու և արժութային շուկաների մեքենայությունների կապակցությամբ համաշխարհային խոշորագույն մի շարք բանկերի նկատմամբ առաջադրված մեղադրանքների հետ:
Լորետա Լինչը վերջին չորս տարում աշխատել է Նյուք Յորքի նահանգի Արևելյան օկրուգի դատախազ: 1999-2001 թվականներին նա նույն պաշտոնն զբաղեցրել է Բիլ Քլինթոնի վարչակազմի օրոք:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
