Մայրության համար լավագույն երկրները. Հայաստանը 103-րդն է
ԱՐԽԻՎ
Միջազգային Save The Children կազմակերպությունը հրապարակել է մայրության համար ամենաբարենպաստ երկրների 2015 թվականի ինդեքսը: Ինչպես հաղորդում է «Արմենպրես»-ը, ինդեքսը կազմելիս հաշվի են առնվել հինգ հիմնական գործոն' հղի կանանց և ծննդկանների մահացության մակարդակը, երեխաների առողջությունը և մահվան դեպքերը մինչև 5 տարեկան, կրթության մակարդակն ու հասանելիությունը, տնտեսական և քաղաքական կարգավիճակը:
179 երկրից բացկացած ցուցակը գլխավորել է Նորվեգիան: Աշխարհում մայրերի համար ամենաբարենպաստ երկրների եռյակում են հայտնվել Ֆինդլանդիան և Իսլանդիան: Տասնյակում են նաև Դանիան, Շվեդիան, Նիդերլանդները, Իսպանիան, Գերմանիան, Ավստրալիան և Բելգիան:
Հայաստանը ինդեքսում զբաղեցրել է 103-րդ հորիզոնականը:
Մայրերի համար վատագույն երկիր են ճանաչվել Կենտրոնական Աֆրիկյան Հանրապետությունը, Կոնգոյի Դեմոկրատական Հանրապետությունը և Սոմալին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
