Մոսկվան ԵՄ-ից կոնկրետ քայլեր է ակնկալում ԵԱՏՄ-ի հետ ուղղակի շփումներ հաստատելու ուղղությամբ
ԱՐԽԻՎ
Մոսկվան ակնկալում է, որ Եվրամիության կողմից կոնկրետ քայլեր կհետևեն Եվրասիական տնտեսական միության գործադիր կառույցների հետ ուղղակի աշխատանքային շփումների հաստատման ուղղությամբ: Այդ մասին, ինչպես տեղեկացնում է «Արմենպրես»-ը, ՌԴ-ի արտաքին գործերի նախարար Սերգեյ Լավրովը հայտարարել է գերմանական Handelsblatt հրատարակության Russia Beyond The Headlines հավելվածի համար տրված հարցազրույցում:
Նախարարն արձանագրել է, որ Ռուսաստանի եվրոպական, այդ թվում՝ գերմանական գործընկերները «ավելի ու ավելի ընկալունակ են դառնում եվրոպական աշխարհամասում ինտեգրացիոն գործընթացների ներդաշնակեցման գաղափարի նկատմամբ»:
«Որպես առաջին քայլ նկատի է առնվում ուղղակի երկխոսության հաստատումը Եվրամիության և Եվրասիական տնտեսական միության միջև: Մեր կողմից լիովին աջակցում ենք այդ տրամադրվածությանը: Նման աշխատանքը որպես կարևորագույն ուղենիշ ենք դիտում Ատլանտիկայից մինչև Խաղաղ օվկիանոս միասնական տնտեսական և հումանիտար տարածության ստեղծման ճանապարհին»,- ասել է Լավրովը, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
