Հայաստանը և Ռուսաստանը համաձայնագիր են կնքել Ուսումնա-փրկարարական կենտրոնի բացման մասին
ԱՐԽԻՎ
Հայաստանի և Ռուսաստանի արտակարգ իրավիճակների նախարարները՝ Արմեն Երիցյանը և Վլադիմիր Պուչկովը, մայիսի 19-ին միջկառավարական համաձայնագիր են ստորագրել Հայաստանի տարածքում համատեղ Ուսումնա-փրկարարական կենտրոնի բացման մասին, տեղեկացնում է «Արմենպրես»-ը՝ հղում անելով ՌԻԱ Նովոստիին:
«Հումանիտար արձագանքման հայ-ռուսական կենտրոնի կազմում կընդգրկվեն արձագանքման բոլոր համակարգերը, ներառյալ ավիացիոն տեխնոլոգիաները: Մենք արդեն սկսում ենք կենտրոնի ձևավորումը, որտեղ անհրաժեշտ ամեն ինչ կլինի խոշոր արտակարգ իրավիճակներին արձագանքելու համար, ներառյալ երկրաշարժերը, ջրհեղեղները կամ տեխնածին բնույթի արտակարգ իրավիճակները»,- փաստաթղթի ստորագրման արարողությանն ասել է ՌԴ ԱԻՆ-ի ղեկավարը:
Նախարարը նշել է, որ կենտրոնն ստեղծելիս օգտագործվելու են Բալկաններում արդեն գործող ռուս-սերբական համանման կենտրոնի բոլոր մշակումներն ու առաջավոր փորձը:
Նոր կենտրոնը կբացվի Գետարգել գյուղում և թույլ կտա արտակարգ իրավիճակներին օպերատիվորեն արձագանքել երկու պետության սահմանամերձ տարածքներում, ինչպես նաև երրորդ երկրներում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
