Sony ընկերության ղեկավարությունը 10 հազարով կրճատում է աշխատողների թվաքանակը

Ճապոնական Sony ընկերությունը մինչև այս տարվա վերջ 10 հազարով կկրճատի ընկերության աշխատակիցների թվաքանակը կամ ողջ անձնակազմի 6%–ն ամբողջ աշխարհում։ Այս մասին գրում է Nikkei թերթը։ Սակայն ընկերությունն այդ տեղեկատվությունը մինչ այժմ չի հաստատել։ Մինչև մարտի 31–ը Sony–ում աշխատել է առնվազն 168 հազար մարդ։

Ավելի վաղ Bloomberg պարբերականը գրել էր, որ ապրիլի սկզբին Sony-ի նոր նախագահ է նշանակել Կազուո Հիրայան, որը փոխարինել էր Հովարդ Ստրինգերին։ Հիրայան, իր հերթին 2012–ի հունիսին նաև կստանձնի ընկերության տնօրենների խորհրդի նախագահի պաշտոնը։