Թբիլիսիի կենդանաբանական այգում հեղեղումից 50 առյուծ, վագր, բորենի ու գայլ են սատկել
ԱՐԽԻՎ
Հունիսի 14-ին Թբիլիսին պատուհասած հեղեղման հետեւանքով կենդանաբանական այգում սատկել են 50 խոշոր գիշատիչներ՝ առյուծներ, վագրեր, արջեր, բորենիներ ու գայլեր: Այդ մասին, ինչպես տեղեկացնում Է «Արմենպրես»-ը, հունիսի 22-ին լրագրողներին հայտնել Է կենդանաբանական այգու տնօրեն Զուրաբ Գուրիելիձեն:
«Այժմ ընթանում Է լցված բազմամետրանոց ցեխից գիշատիչների մեծավանդակների մաքրման աշխատանքը, եւ բացառված չԷ, որ հենց այդ ցեխի տակ հայտնաբերվեն կորած համարվող վագրն ու բորենին»,- հավելել Է Գուրիելիձեն: Ավելի վաղ հաղորդվել Է, որ մինչ օրս չեն գտնվել մեկ վագր եւ մեկ բորենի: Ենթադրվում Է, որ դրանք կարող են լինել ազատության մեջ:
Նրա խոսքով՝ սատկել են բազմաթիվ մանր կենդանիներ եւ թռչուններ, որոնց դիակները գործնականում հնարավոր չԷ հայտնաբերել ցեխի մեջ:
«Մենք շատ ու շատ առաջարկություններ ենք ստանում աշխարհի կենդանաբանական այգիներից՝ անհատույց մեզ հանձնելու նոր կենդանիներ, բայց առայժմ, նախքան նոր կնդանաբանական այգու կառուցումը, դա անհնարին Է: Այժմ մենք հոգում ենք ողջ մնացած կենդանիների մասին»,- ասել Է Գուրիելիձեն, հաղորդել Է «Ինտերֆաքս»-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
