Երևանյան իրադարձությունների հետևում կանգնած են օտարերկրյա ոչ կառավարական կազմակերպությունները. Կոսաչև

ՀՀ ոստիկանությունը հեռացրել է շրջափակումը Երևանի Բաղրամյան պողոտայից: Փոխարենը տեղադրվել են երկաթյա պարիսպներ, որոնց հետևում միայն մի քանի ոստիկաններ են կանգնած, գրում է Вести.Ru-ն:

Ցուցարարները փակել են ճանապարհը աղբամաններով: Նրանք պահանջել են չեղյալ համարել էլեկտրաէներգիայի սակագների բարձրացման անօրինական որոշումը: «Մեր պայքարը խաղաղ բնույթ է կրում», - մեջբերում է ՌԻԱ Նովոստին ակտիվիստներից մեկին` Արամ Մանուկյանին:

Ակցիայի մասնակիցները հետագա գործողությունների մի քանի տարբերակներ ունեն: Նրանք խոստացել են շուտով հայտարարել դրանց մասին:

«Կասկած չկա, որ ոչ կառավարական միջազգային կազմակերպություններն այն դեպքում, երբ կա անհրաժեշտություն ապակայունացնել իրավիճակը կոնկրետ երկրում, վերափոխել այդ երկրների համար օրինական, բայց ոչ լոյալ ռեժիմն ավելի լոյալի, ֆինանսավորում են ստանում արտասահմանից, և օգտվում այդ ամենից ամենաակտիվ և անպատկառ ճանապարհով,- հայտարարել է Ռուսաստանի Դաշնության խորհրդի միջազգային հարցերով հանձնաժողովի նախագահ Կոնստանտին Կոսաչևը "Россия 24" հեռուստաալիքի եթերում:- Այժմ մենք բոլորս անհանգստացած ենք Երևանի կենտրոնում տեղի ունեցող իրադարձություններով բարեկամական Հայաստանում: Եվ ես չեմ բացառում, որ, ի վերջո, պարզվելու է, որ այդ իրադարձությունների հետևում կանգնած են օտարերկրյա ոչ կառավարական կազմակերպությունները»: