Ճապոնացի գիտնականը պլանավորում է մարդու օրգաններ բուծել խոզի մարմնում

Մի խումբ գիտնականներ՝ Ստենֆորդի եւ Տոկիոյի համալսարանների պրոֆեսոր Հիրոմիցու Նակաուտիի գլխավորությամբ, պլանավորում են օգոստոսին սկսել խոզի մարմնում մարդու օրգանների բուծման գիտափորձը՝ մակածված ցողունաբջիջների (iPs-բջիջների) օգտագործմամբ: Ինչպես տեղեկացնում Է «Արմենպրես»-ը՝ հղում անելով «Նիկկեյ» թերթին, նրանց հաջողության դեպքում ռեգեներատիվ բժշկության մեջ այս տեխնոլոգիայի իրական կիրառումը հնարավոր կլինի արդեն 5-10 տարի հետո:

Գիտնականների խումբը մտադիր Է որոշել իդեալական պայմանները մարդու հյուսվածքների եւ օրգանների բուծման համար, որոնք հետագայում հնարավոր լինի վիրահատության ընթացքում պատվաստել մարդուն: Մասնավորապես, գիտափորձի ընթացքում կձեռնարկվի մարդու լյարդ ստեղծելու փորձ, ինչը կօգնի մշակել քաղցկեղի բուժման նոր մեթոդ: Բուծված օրգանների վրա գիտնականները նաեւ պլանավորում են փորձարկել դեղորայքի նոր տեսակներ, հաղորդել Է ՏԱՍՍ-ը: