Փարիզը պաշտոնապես հայտ է ներկայացրել` 2024 թվականի Օլիմպիական խաղերը հյուրընկալելու համար

Ֆրանսիայի ազգային Օլիմպիական կոմիտեն պաշտոնապես ներկայացրել է իր հայտը ՄՕԿ-ին' Փարիզում 2024 թվականի ամառային Օլիմպիական խաղերն անցկացնելու համար: Ֆրանսիայի նախագահ Ֆրանսուա Օլանդն այս որոշման հրապարակումից հետո փաստել է, որ երկիրն ամեն ինչ անելու է 2024 թվականին' Փարիզն Օլիմպիական խաղերի մայրաքաղաք դարձնելու համար: «Արմենպրես»-ի հաղորդմամբ, այս մասին տեղեկացնում է ՏԱՍՍ-ը:

Փարիզը մինչ այս ևս հավակնել է հյուրընկալել Օլիմպիական խաղերը 1992, 2008 և 2012 թավականին, սակայն հաջողության չի հասել: Փարիզը միայն երկու անգամ է ընդունել Օլիմպիական խաղերը' 1900-ին և 1924 թվականներին:

Ավելի վաղ 2024 թվականի ամառային Օլիմպիական խաղերը հյուրընկալելու հայտ էին ներկայացրել նաև Հռոմը, Համբուրգը և Բոսթոնը: