Դամասկոսը պատրաստ է աջակցել ԻՊ-ի դեմ կոալիցիա ստեղծելու գաղափարին
ԱՐԽԻՎ
Դամասկոսը պատրաստ է աջակցել «Իսլամական պետության» դեմ ԱՄՆ-ի և Թուրքիայի մասնակցությամբ կոալիցիա ստեղծելու գաղափարին: Ինչպես հաղորդում է «Արմենպրես»-ը' վկայակոչելով արաբական լրատվամիջոցները, այս մասին հունիսի 29-ին հայտարարել է Սի րիայի արտաքին գործերի նախարար Ուալիդ ալ Մուալլեմը ռուս գործընկերոջ' Սերգեյ Լավրովի հետ բանակցությունների արդյունքում: Նա միաժամանակ նշել է, որ դժվար կլինի կոալիցիա ստեղծել Թուրքիայի, Սաուդյան Արաբիայի, ԱՄՆ-ի և Կատարի հետ, քանի որ այս երկրներն ահաբեկչության դեմ պայքարելու փոխարեն աջակցում են նրան:
Սիրիացի նախարարը նշել է, որ ԱՄՆ-ն չի թաքցնում իր աջակցությունն ահաբեկիչներին, նա մեղադրել է ԱՄՆ-ին Սիրիայի ահաբեկիչներին միլիարդ ԱՄՆ դոլար տրամադրելու մեջ:
Սերգեյ Լավրովը նշել է, որ Ռուսաստանը կշարունակի հնարավոր ամեն ինչ անել ահաբեկչությանը վերջ դնելու համար: Նա նաև կոչ է արել սիրիական բոլոր կողմերին շարունակել մոսկովյան բանակցությունները Սիրիայում ճգնաժամի կարգավորման համար:
ՌԴ նախագահ Վլադիմիր Պուտինի հետ հանդիպման ժամանակ Մուալլեմը նշել է, որ Սիրիան հաշվի է առնում Խորհրդային Միության՝ ֆաշիզմի դեմ պայքարի փորձը, ուստի նրա կարծիքով սիրիական ազգը կարող է դիմակայել ահաբեկչությանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
