Մեքսիկան Թրամփի արած արտահայտությունների պատճառով չի մասնակցի «Միսս Տիեզերք» մրցույթին

Մեքսիկան հրաժարվել Է իր ներկայացուցչին ուղարկել «Միսս Տիեզերք» գեղեցկության մրցույթին՝ դրա իրավատեր Դոնալդ Թրամփի կողմից այս երկրից ներգաղթյալների վերաբերյալ արված արտահայտությունների պատճառով, հաղորդում Է «Արմենպրես»-ը՝ հղում անելով El Universal թերթին:

«Միսս Տիեզերք-1991» տիտղոսը նվաճած Լյուպիտա Ջոնսը, որը Grupo Televisa մեդիահոլդինգի հետ միասին գեղեցկության ազգային մրցույթի կազմակերպիչն Է, հայտնել Է, որ մտադիր չԷ մասնակցել Թրամփի հետ կապված որեւԷ նախագծի: Ջոնսը վստահություն Է հայտնել, որ Թրամփի հայտարարությունները մեծ վնաս են հասցրել «Միսս Տիեզերք» մրցույթին:

Հունիսի 16-ին, հայտարարելով 2016 թվականին ԱՄՆ-ի նախագահի պաշտոնի համար առաջադրվելու մտադրության մասին, Թրամփը մեքսիկացի ներգաղթյալներին անվանել Է հանցագործներ եւ բռնացողներ: Նրա կարծիքով՝ Մեքսիկան ԱՄՆ Է ուղարկում ոչ լավագույն մարդկանց, «այլ նրանց, ովքեր բազմաթիվ խնդիրներ ունեն»: «Նրանք թմրանյութեր եւ հանցագործություններ են բերում այստեղ»,-ընդգծել Է նա:

Այդ արտահայտությունները վրդովմունք են առաջացրել Մեքսիկայում: Ամերիկյան Univision հեռուստաալիքը, որը հեռարձակում Է իսպաներեն լեզվով, հրաժարվել Է ցուցադրել «Միսս Տիեզերք» մրցույթը: Հունիսի 30-ին Թրամփը հեռուստաալիքի դեմ հայց Է ներկայացրել 500 մլն դոլարի չափով՝ մրցույթի հեռարձակման պարտավորագիրը խախտելու համար: