ԵԱՏՄ-ի երկրների երիտասարդ ղեկավարները քննարկում են եվրասիական ինտեգրացման հեռանկարները

Եվրասիական տնտեսական միության երիտասարդ ղեկավարների առաջին համաժողովի մասնակիցները, որը հուլիսի 2-ին տեղի կունենա Պետդումայում, քննարկելու են եվրասիական ինտեգրացման հեռանկարները, միգրացիոն օրենսդրությունը, աշխարհի անվտանգության հարցերը և այլ խնդիրներ: Այդ մասին, ինչպես տեղեկացնում է «Արմենպրես»-ը՝ հղում անելով Ռի Նովոստիին, լրագրողներին հայտնել է Պետդումայի աշխատակազմի փոխղեկավար Յուրի Շուվալովը:

Համաժողովը կբացի Պետդումայի խոսնակ Սերգեյ Նարիշկինը: «Բանավեճերը, որոնք կանցկացվեն այս համաժողվում, հաջորդ քայլը կդառնան եվրասիական տարածքում ինտեգրացիոն գործընթացների ճանապարհին»,- ասել է Շուվալովը:

Պետդումայի պատգամավորների հրավերով համաժողով կայցելեն Ղազախստանի, Հայաստանի, Ղրղզստանի և Բելառուսի խորհրդարանների պատգամավորներ:

Համաժողովի անցկացումը զգալիորեն կընդլայնի միջխորհրդարանական երկխոսության և ԵԱՏՄ-ի երկրների միջխորհրդարանական դիվանագիտության հնարավորությունները, նշել է Շուվալովը: Համաժողովն անցկացվում է երիտասարդության շրջանում եվրասիական ինտեգրացման գաղափարը տարածելու և մասնակիցների պրոֆեսիոնալ աճի պայմաններ ստեղծելու համար:

Շուվալովը հիշեցրել է, որ Սանկտ Պետերբուրգում կանոնավոր կերպով աշխատում է «Եվրասիական հեռանկարե համաժողովը, որտեղ ԵԱՏՄ-ի գործընկեր պետությունները քանիցս խոսել են միության մասնակից երկրների համագործակցության ձևաչափերի ընդլայնման անհրաժեշտության մասին: