Սիրիայում սպանվել է ԻՊ-ի ղեկավարներից մեկը
ԱՐԽԻՎ
ԱՄՆ-ի գլխավորած միջազգային դաշինքի ռմբակոծության հետևանքով Սիրիայում ոչնչացվել է «Իսլամական պետության» ղեկավարներից մեկը՝ թունիսցի Տարիկ բն Տահար ալ Աունի ալ Հարզին: Ինչպես հաղորդում է «Արմենպրես»-ը' վկայակոչելով միջազգային լրատվամիջոցները, այս մասին տեղեկացրել է Պենտագոնի ներկայացուցիչ Ջեֆ Դևիսը:
Նրա խոսքով՝ ալ Հարզին սպանվել է հունիսի 16-ին Շադդադում: Տեղեկություններ կան, որ նա համակարգում էր մահապարտ-ահաբեկիչների հարձակումները և զբաղվում էր դեպի Լիբիա ԻՊ-ի ահաբեկիչների և զենքերի տեղափոխմամբ:
Ջեֆ Դևիսը նաև նշել է, որ ահաբեկչի ոչնչացումը մեծ հարված կլինի կազմակերպության գործունեության համար:
Ավելի վաղ ԱՄՆ-ը խոստացել էր 20 միլիոն դոլարի պարգևատրում նրանց, ովքեր տեղեկություններ կփոխանցեն ԻՊ-ի 4 ղեկավարների մասին, այդ թվում նաև թունիսցի Տարիկ բն Տահար ալ Աունի ալ Հարզիի մասին:
ԱՄՆ-ի գլխավորությամբ միջազգային դաշինքը Սիրիայում ԻՊ-ի դեմ ռազմական գործողություններ սկսել է սեպտեմբերի վերջից: Վերոնշյալ ժամանակահատվածում ռմբակոծությունների հետևանքով թեպետ ահաբեկիչները զգալի վնասներ են կրել, սակայն չի հաջողվել կասեցնել նրանց տարածումն ու առաջխաղացումը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
