Խվորոստովսկու գործընկերները սատարում են քաղցկեղի դեմ պայքարող երգչին
ԱՐԽԻՎ
Ռուս անվանի օպերային երգիչ Դմիտրի Խվորոստովսկու գործընկերները՝ Աննա Նետրեբկոն և Իլդար Աբդրազակովն իրենց աջակցությունն են հայտնել երգչին այն բանից հետո, ինչ նրա մոտ հայտանբերվել է քաղցկեղ: Երգիչները կրել են երգչի դիմանկարով վերնաշապիկ, որի վրա գրված է եղել. «Դու կհաղթես»: Ինչպես տեղեկացնում է «Արմենպրես»-ը՝ վկայակոչելով ՌԻԱ Նովոստին, նրանց լուսանկարն իր Ինսթագրամի էջում է տեղադրել ռուս երգիչ Ֆիլիպ Կիրկորովը:
«Դիմա, դու կհաղթես։ Ահա այսպիսի համերգային ավարտ կոնսերվատորիայում։ Աննա Նետրեբկո, Իլդար Աբդրազակով և Եկատերինա Գուբանովա։ Մեր շոու-բիզնեսը շատ բան ունի սովորելու դասականներից. ովքեր նման աջակցություն և կարեկցանք են ցուցաբերում գործընկերոջ հանդեպ»,- գրել է Կիրկորովը նկարի մեկնաբանությունում։
Հունիսի 25-ին Դմիտրի Խվորոստովսկու մոտ գլխուղեղի քաղցկեղ է ախտորոշվել: Ռուսական լրատվամիջոցների փոխանցմամբ՝ հիվանդության պատճառով արտիստը մինչև ամառվա վերջ հետաձգել է համերգները: Ուռուցքի տեսակը չի նշվում: Ուռուցքաբանները մեկնաբանել են Խվորոստովսկու խոսելու և տեսողության հետ կապված խնդիրների մասին տեղեկությունը։ Նրանք նշել են, որ կարևորը թանկարժեք ժամանակը չկորցնելն է։ Ռուս բարիտոնն այս տարի հասցրել է հանդես գալ Հայաստանում՝ «Պատերազմական տարիների երգեր» խորագրով երեկոյի ընթացքում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
