Տրակտորիստը հողի տակից զինամթերք է հայտնաբերել

ՀՀ ոստիկանության Տարոնի բաժնում' հուլիսի 15-ին, ժամը 08.40-ին, ահազանգ է ստացվել, որ տրակտորիստը հողային աշխատանքներ կատարելիս հողի տակից հայտնաբերել է գնդացրի ժապավենի նմանվող առարկա:

Ինչպես տեղեկացնում են ՀՀ ոստիկանության հասարակայնության հետ կապերի և լրատվության վարչությունից, դեպքի վայր մեկնած ՀՀ ոստիկանության օպերատիվ խումբը Տարոն-4 թաղամասի նշված հատվածում հայտնաբերել է փամփուշտի ժապավենի նմանվող մետաղյա 24 առարկա:

Նշանակվել է դատաձգաբանական փորձաքննություն:

Կատարվում է հետաքննություն: