Պոպովը ԼՂ հակամարտության կարգավորման բանակցային գործընթացն ակտիվացնելու հույս ունի

ԵԱՀԿ Մինսկի խմբի Ռուաստանի համանախագահ Իգոր Պոպովը կարծիք է հայտնել, որ Լեռնային Ղարաբաղի հակամարտության կարգավորման հարցով հետագա քննարկումներն ու հանդիպումները տեղի կունենան արդեն սեպտեմբերին: Ինչպես հաղորդում է «Արմենպրես»-ը՝ վկայակոչելով ադրբեջանական ԱՊԱ գործակալությունը, այս մասին Պոպովը հայտնել է Բաքվում ունեցած հանդիպումներից հետ ո:

«Մենք հուսով ենք, որ բանակցային գործընթացն ավելի ինտենսիվ կընթանա: Ակնկալում ենք, որ նորից հանդիպումներ կունենանք, սակայն երբ դրանք կլինին, դեռ հայտնի չէ»,- նշել է համանախագահը՝ հույս հայտնելով, որ իրենք կկարողանան առաջընթաց գրանցել:

Նա խոսել է Երևանում ունեցած հանդիպումներից՝ ընդգծելով, որ ՀՀ Նախագահի և արտգործնախարարի հետ քննարկել է ԼՂ հիմնախնդրի բանակցային գործընթացի ներկայիս դրության, ինչպես նաև հարցեր՝ կապված սահմանին և շփման գծում առկա իրավիճակի հետ: Պոպովը հայտնել է, որ նույն հարցերի շրջանակը քննարկվել է նաև Ադրբեջանում ունեցած հանդիպումների ժամանակ: