Ես Արմենին սիրում եմ այնպիսին, ինչպիսին, որ կա. Արամ Զավենի Սարգսյան (տեսանյութ)

«Լրագրողներին, չգիտես ինչու, շատ հետաքրքրում էր, թե ինչու է Սերժ Սարգսյանի այստեղ գալուց Արմենն այստեղ եղել։ Ես ձեզ ասեմ մի պարզ բան, ժողովուրդ ջան, ես Արմենին սիրում եմ այնպիսին, ինչպիսին որ կա, ոչ թե այնպիսին, ինչպիսին ես եմ ուզում, որ նա լինի»։ Այդ մասին Արարատում տեղի ունեցած ՀԱԿ հանրահավաքի ընթացքում ասաց կոնգրեսի անդամ «Հանրապետություն» կուսակցության նախագահ Արամ Զավենի Սարգսյանը։

Հիշեցնենք, որ օրերս Սերժ Սարգսյանի Արարատ կատարած այցի ընթացքում նախագահին դիմավորել էր Արամ Զ. Սարգսյանի կրտսեր եղբայր Արմեն Սարգսյանը, ինչն էլ խոսակցությունների տեղիք էր տվել, թե նա սատարում է Հանրապետական կուսակցությանը։

Այդ հարցին պարզաբանում տալու համար էլ Արամ Սարգսյանը իր ելույթում անդրադարձավ դրան։ «Այն մարդիկ, ում մտքերով ինչ–որ բաներ են անցնում, թող իմանան, որ Արմենը, բացի Արամի եղբայրը լինելուց, նաև Վազգեն Սարգսյանի եղբայրն է։ Ինքը անհատականություն է, խնդիրներին, հարցերին ունի իր մոտեցումը և դերասանություն չի անում», – եզրափակեց նա։