Հոլիվուդյան ծառուղում աստղ են զետեղել երգչուհի Մրայա Քերիի պատվին
ԱՐԽԻՎ
Ամերիկացի երգչուհի Մրայա Քերիին ութ տարի պահանջվեց այն բանի համար, որ ժամանակ գտնի եւ օգոստոսի 5-ին այցելի Հոլիվուդի Փառքի ծառուղի, որտեղ նրա պատվին կազմակերպվել Էր աստղի զետեղման հանդիսավոր արարողությունը:
«Երաժշտության եւ զվարճանքի ինդուստրիայում ունեցած ձեռքբերումների համար Քերիին աստղ շնորհելու մասին որոշումն ընդունվել Էր դեռ 2007 թվականին,-նշել Է KTLA հեռուստաալիքը:-Բայց նա շատ զբաղված Էր, այդ թվում նաեւ մասնակցելով Լաս Վեգասի հյուրանոցների եւ այլ հաստատությունների պաշտոնական բացման միջոցառումներին»:
Օգոստոսի 5-ին 45-ամյա Մրայա Քերին վերջապես ժամանել Է Հոլիվուդ: Աստղի համար պատվավոր տեղ Էր հատկացվել «Դոլբի» թատրոնի մերձակայքում, որտեղ ամեն տարի անցկացվում Է «Օսկար» մրցանակի դափնեկիրների հայտարարման եւ պարգեւատրման արարողությունը:
«Ես շոյված եմ իմ ստեղծագործական նվաճումների այսքան բարձր գնահատականից»,-հայտարարել Է Մրայա Քերին:
Ինչպես նշում Է ՏԱՍՍ-ը, երգչուհու պատվին հոլիվուդյան ծառուղու մայթին տեղադրված աստղը դարձել Է թվով 2556-րդը: Հոլիվուդյան «Փառքի ծառուղու» (որի երկարությունը հասնում Է 2,1 կիլոմետրի) առաջին մշտական աստղերը տեղադրվել են 1960 թվականի մարտին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
