ԱՄՆ-ում աճուրդի կհանվեն Էլվիս Փրեսլիի ավելի քան 170 անձնական իրեր
ԱՐԽԻՎ
Նշանավոր երաժիշտ Էլվիս Փրեսլիի ավելի քան 170 անձնական իրեր կհանվեն աճուրդի, որը տեղի կունենա Մեմֆիս քաղաքի (Թենեսիի նահանգ) մերձակա նրա «Գրեյսլենդ» կալվածքում: Այդ մասին, ինչպես տեղեկացնում Է «Արմենպրես»-ը, հաղորդել Է «Ասոշիեյթեդ պրես» գործակալությունը:
Սպառավաճառքը գլխավոր իրադարձություններից մեկը կդառնա Էլվիսի շաբաթվա շրջանակներում, որն անցկացվում Է ռոք-ն-ռոլի արքայի մահվան հերթական տարելիցի կապակցությամբ: Աճուրդի տնօրեն Լորա Փիքեթն ասել Է, որ Փրեսլիի՝ աճուրդի հանվող բոլոր անձնական իրերը պատկանում են հավաքորդներին:
Աճուրդի լոտերի թվում են Էլվիսի հայտնի սպիտակ կոստյումը, որով նա ելույթ Է ունեցել Լաս Վեգաս քաղաքի (Նեւադայի նահանգ) բեմերում, ադամանդներով զարդարված ոսկե կուլոնը, որը ռոք-ն-ռոլի արքան նվիրել Էր ամերիկացի հայտնի երգիչ Սեմի Դեւիս կրտսերին:
Էլվիս Փրեսլին մահացել Է 1977 թվականի օգոստոսի 16-ին՝ 42 տարեկան հասակում: Նրա մահն իսկական ցնցում Էր ամբողջ աշխարհի նրա բազմաթիվ երկրպագուների համար, հաղորդել Է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
