Եմենում շիա ապստամբները գրավել են ԱՄԷ-ի դեսպանատան շենքը
ԱՐԽԻՎ
Շիա ապստամբները' հոուսիները, Եմենի մայրաքաղաքում գրավել են Արաբական Միացյալ Էմիրությունների դեսպանատունը: «Արմենպրես»-ի փոխանցմամբ' այս մասին հայտնում է ՏԱՍՍ գործակալությունը' վկայակոչելով ԱՄԷ-ի տեղեկատվական գործակալությանը: ԱՄԷ-ի արտաքին գործերի նախարարության հայտարարության մեջ նշվել է, որ այս արարքով շիաներն ապացուցում են, որ չեն հարգում միջազգային կոնվենցիաները և դիվանագիտական նորմերը և հետևում են ջունգլիների օրենքներին: Նախարարությունը շիաներից պահանջել է անմիջապես ազատել դիվանագիտական առաքելության շենքը և այն վերադրաձնել իր աշխատակիցներին:
Եմենում իրավիճակն առավել սրվել էր 2015թ. հունվարից, երբ շիա ապստամբները գրավել էին մայրաքաղաք Սանան: Ապստամբների ճնշման տակ նախագահ Աբդ Ռաբբո Մանսուր ալ Հադին և վարչապետ Խալեդ Բախախը հրաժարական էին տվել: Որոշ ժամանակ անց նախագահ Մանսուր Հադին ստիպված փ ախուստի էր դիմել Ադեն, իսկ կարճ ժամանակ հետո՝ մարտի 25-ին, շիաների Ադեն մտնելով, հեռացել էր երկրից:
Նախագահը դիմել է Սաուդյան Արաբիային' խնդրելով միջամտել ստեղծված իրավիճակին: Մարտի 26-ին Սաուդյան Արաբիան Բահրեյնի, Կատարի, Քուվեյթի, ԱՄԷ-ի օդային ուժերի օգնությամբ Եմենում իրականացվել է «Վճռականության փոթորիկ» գործողությունը, որի ավարտից հետո սկսվել է ռազմական գործողություններ ի մյուս՝ «Հույսի վերականգնում» փուլը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
