ԲՀԿ-ն չի մասնակցելու Սահմանադրական փոփոխությունների դեմ «ոչ»-ի շարժմանը

«Բարգավաճ Հայաստան» կուսակցությունը չի մասնակցելու Սահմանադրական փոփոխությունների դեմ «ոչ»-ի շարժմանը: Լրագրողների հետ օգոստոսի 24-ի կայացած հանդիպմանը այս մասին հայտնեց ՀՀ Ազգային ժողովում ԲՀԿ խմբակցության անդամ Միքայել Մելքումյանը: «Անշուշտ, «Բարգավաճ Հայաստան» կուսակցությունը դեռևս չի կայացրել քաղաքական որոշում Սահմանադրական փոփոխությունների վերաբերյալ, սակայն այսօր երկրում քաղաքական իրավիճակ է փոխվել: ՀՀ Սահմանադրության նոր նախագծով հանվում է իշխանության վերարտադրության հարցը. պաշտոնապես հայտարարվել է, որ անձնավորված վերարտադրության խնդիր այլևս գոյություն չունի և ներկայացված սահմանադրական փոփոխություններով քաղաքական մենիշխանության հարցը լուծվում է», -«Արմենպրես»-ի հաղորդմամբ'ասաց նա:

Նա հավելեց, որ ներկայացված սահմանադրական փոփոխություններում առկա են մի շարք մտահոգություններ կապված ընտրությունների երկրորդ փուլի, ընտրիչների ժողովի լինել-չլինելուն և այլն: «Վաղը ժամը տասին ԲՀԿ-ն հանդիպելու է Վենետիկի հանձնաժողովի հետ, որի ընթացքում մենք կներկայացնենք ՀՀ նոր Սահմանադրության նախագծի վերաբերյալ մեր դիտարկումները: Բացի այդ' մենք սպ ասում ենք նաև ՀՀ նախագահի հրավերին' սահմանադրական փոփոխությունները քննարկելու համար», -շեշտեց Մելքումյանը:

Լրագրողներից մեկի այն դիտարկմանը, թե ԲՀԿ նախագահ Նաիրա Զոհրաբյանը մի քանի ամիս առաջ իր կուսակցությունը հայտարարել էր ընդդիմություն, սակայն ԲՀԿ-ն փաստացի համագործակցում է իշխանությունների հետ, Միքայել Մելքումյանը ասաց հետևյալը. «Ընդդիմությունը երբեք ինքնանպատակ չի եղել: Եթե ասում ենք ընդդիմություն դա չի նշանակում, որ ամեն ինչին դեմ ենք գնալու: Իհարկե, մեր երկրում կան խնդիրներ, որոնք պետք է լուծվեն: Սակայն, մենք պետք է գնանք ճիշտ ճանապարհով, այն է' օրինական ճանապարհով հասնենք իշխանափոխության, քանի որ հեղափոխական ճանապարհը մ եր երկրի անվտանգության համար լուրջ սպառնալիք է հանդիսանալու»: