Արցախի ժողովուրդն անում է ամեն ինչ իր քաջ զավակների կիսատ թողած գործը ավարտին հասցնելու համար. Բակո Սահակյան
ԱՐԽԻՎ
Արցախի Հանրապետության Նախագահի նստավայրում սեպտեմբերի 1-ին տեղի է ունեցել ԼՂՀ հռչակման 24-րդ տարեդարձի կապակցությամբ պարգևատրման հանդիսավոր արարողություն: Ինչպես տեղեկացնում են Արցախի Հանրապետության Նախագահի աշխատակազմի տեղեկատվության գլխավոր վարչությունից, ԼՂՀ Նախագահ Բակո Սահակյանը նշել է, որ Արցախի Հանրապետության կերտմա ն գործում իր ավանդն է ունեցել ողջ հայ ժողովուրդը, և արդեն 24 տարի է' Հայաստանի և Սփյուռքի հետ ձեռք ձեռքի կառուցում է ազատ ու ինքնիշխան ժողովրդավարական պետություն:
Նախագահի խոսքով' Արցախը հաստատուն քայլերով առաջ է ընթանում' տարեցտարի գրանցելով նոր հաջողություններ ու ձեռքբերումներ ևիր արժանի տեղը զբաղեցնելով միջազգային հանրության շարքում:
«Արցախի ժողովուրդը տերն է իր հողի ու ջրի և անում է ամեն ինչ' իր նպատակներին հասնելու, իր քաջ զավակների կիսատ թողած գործը ավարտին հասցնելու համար»,- իր ելույթում ընդգծել է Բակո Սահակյանը:
Միջոցառմանը ներկա էին Հայ Առաքելական Եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, ԼՂՀ ԱԺ նախագահ Աշոտ Ղուլյանը, պաշտոնատար այլ անձինք:
ՈՒՂԻՂ ԵԹԵՐ
Ամենադիտված 
«Խոպան գնալուց առաջ գնացել էին աներոջ տուն՝ հաջող անելու». մանրամասներ վթարից մահացած ընտանիքի մասին
