Ստերլիգովի սկանդալային հարցազրույցը Սոբչակի հետ (տեսանյութ)

Ռուս միլիոնատեր Գերման Ստերլիգովը Քսենիա Սոբչակին տված հարցազրույցում պատմել է Ռուսաստան իր վերադարձի, Սուրկովին շնորհակալության և «ուսադիրներով լծակների» հետ համատեղ բիզնեսի մասին: Այս մասին հայտնում է tvrain.ru-ն:

Զրույցի սկզբում Սոբչակը Ստերլիգովին ներկայացրել է որպես ձեռնարկատեր, իսկ Ստերլիգովն ասել է. «Ես ռուս գյուղացի եմ, ես վաղուց ձեռնարկատեր չեմ»:

Ի պատասխան Սոբչակի հարցին ինչու է որոշել վերադառնալ՝ չնայած ռուսական իշխանության հետ խնդիրներին, որոնց մասին խոսում էին, Ստերլիգովն ասել է. «Ես վերադարձա հենց որ Ինտերպոլը դադարեցրեց իմ նկատմամբ հետախուզումը` իմ հետապնդումը ճանաչելով Ադրբեջանի կողմից քաղաքանապաես մոտիվացված, և ես անմիջապես հետ եկա հայրենիք: Ինձ դիմավորեց Անվտանգության դաշնային ծառայության անձնագրային վերահսկողությունը, որն ինձ փոխանցեց տրանսպորտային ոստիկանությանը, իսկ տրանսպորտային ոստիկանությունը՝ դատախազությանը…»:

«Անհրաժեշտ էր ձևականություններ պահպանել, քանի որ ես մնացի միջպետական հետախուզման մեջ, նախկին համամիութենական` ներկայիս ԱՊՀ հետախուզում: Եվ պետք էր մի խումբ թղթեր գրել մեր ծառայություններին… ինձ արդեն հանգիստ տուն ուղարկելու համար՝ ինձ լավ ճանապարհ մաղթելով դեպի իմ գյուղացիական տնտեսություն, ուր և ես երեկ ժամանեցի՝ իմ երեխաների մոտ»,- նշել է Ստերլիգովը:

«Դա շատ գրկաբաց դիմավորում էր, ես մինչև հոգուս խորքը հուզված էի մեր հատուկծառայությունների բարի վերաբերմունքից»,- հավելել է գործարարը:

Նրա խոսքով՝ ռուսական ո՛չ հատուկծառայությունների, ո՛չ իրավապահ մարմինների կողմից իր հանդեպ ոչ մի հավակնություն չկա:

«Ես Ռուսաստան վերադարձա, քանի որ դա իմ հայրենիքն է»,- ասել է Ստերլիգովը: