Ինչո՞ւ է ԵՊՀ «Հյուրերի տունը» վաճառվել Դերժավայի Արկադիի որդուն. Պարզաբանում է Արմեն Աշոտյանը
ԱՐԽԻՎ
Մաշտոց 52 հասցեում գտնվող ԵՊՀ «Հյուրերի տունը» վաճառվել է։
Օրեր առաջ աշխատողները ծանուցագրեր են ստացել, որոնցով վերջիններիս տեղեկացրել են նոյեմբերի 1-ից աշխատանքից ազատված լինելու մասին։
Շենքը վաճառվել է 2 մլրդ 2 մլն դրամով՝ «Էս Էռ Հոթել» ՍՊԸ-ին։ Շենքի նոր սեփականատերն «Էս Էռ Հոթել» ՍՊԸ տնօրեն Ստանիսլավ Համբարձումյանն է՝ ԱԺ պատգամավոր Արկադի Համբարձումյանի (Դերժավայի Արկադի) որդին։
ԼՈւՐԵՐ.com-ի թղթակցի տեղեկացմամբ՝ այսօր Ծաղկաձորում ԿԳՆ-ի կազմակերպած սեմինարին, «Հյուրերի տան» վաճառքի մասին հարց ուղղվեց ԿԳ նախարար Արմեն Աշոտյանին: Նախարարը նախ հիշեցրեց, որ ԵՊՀ-ն հիմնադրամ է և ինքնուրույն է կայացնում իր նյութագույքային հարաբերությունների հետ կապված որոշումները, այնուհետև ասաց, որ բացի այդ եղել է բաց մրցույթ, որին դիմել է մեկ հոգի:
Աշոտյանը նկատեց նաև, որ գործարքին տրվում է քաղաքական երանգ և հռետորական հարց բարձրացրեց.ՙ Որ մարդը հանրապետական է չի՞ կարող մասնակցել ինչ որ գործարքի, կամ տնօրինել իր իրավունքներն և ազատությունները՚:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
