Գյումրիում կայացել է «Մարդամեջ» սոցիալական նորարարության մեկօրյա հավաքը

«Մեդիան քաղաքացիների տեղեկացված մասնակցության համար» ծրագրի շրջանակում, Գյումրու ««Բեռլին» արտ-հոթել»-ում սեպտեմբերի 11-ին անցկացվեց «Մարդամեջ» սոցիալական նորարարության մեկօրյա հավաքը: Հավաքի ընթացքում տեղի ունեցան խմբային աշխատանքներ' տեղեկատվական տեխնոլոգիաների մ ասնագետների աջակցությամբ: Ծրագրի իրականացման արդյունքում կստեղծվեն հարթակներ, որոնք կնպաստեն սոցիալական որոշակի խնդիրների լուծմանը: Ծրագիրը համատեղ իրականացնում են «Մեդիա նախաձեռնությունների կենտրոն»-ը, «Եվրասիա» համագործակցություն հիմնադրամը և «Ինտերնյուս»-ը՝ ԱՄՆ Միջազգային զարգացման գործակալության ֆինանսավորմամբ։

Ինչպես «Արմենպրես»-ին տեղեկացրեց ծրագրի ղեկավար Վարուժան Ավանեսյանը, սոցիալական նորարարության հավաքի նպատակն է նպաստել ՀՀ-ում տեղի ունեցող բարեփոխումների (սոցիալական, ապակենտրոնացման, թափանցիկության և հաշվետվողականության) գործընթացի մասին տեղեկատվության և հանրային մասնակցության բարձրացմանը, այնպիսի խնդիրների վերհանմանը, որոնց լուծումը հնարավոր կլինի տալ առնանց կամ ցանցից դուրս միջոցներով: «Այն կօգնի վեր հանել մարզի համայնքներում առկա խնդիրները համացանցային միջոցներով լուծելու գաղափարներ« ի մի բերել ներկայացված գաղափարները կյանքի կոչելու պատրաստ մարդկանց ու թվային տեխնոլոգիաների ընձեռած հնարավորությունները« ստեղծել առցանց սոցիալական նոր հարթակներ»,- նշեց Վարուժան Ավանեսյանը:

Քննարկումների արդյունքում, յուրաքանչյուր տեղեկատվական կեմտրոնից՝ Գյումրի, Վանաձոր, Արմավիր, Մարտունի, Իջևան և Սյունիք, ընտրված 2 լավագույն ծրագրերը կստանան ֆինանսական աջակցություն իրենց սոցիալ-նորարարական գաղափարները իրականացնելու համար' յուրաքանչյուրը մինչև 250 հազար դրամի սահմաններում: Հավաքի մասնակիցներն ընտրվելու են մրցութային կարգով: Հավաքին կարող են մասնակցել Շիրակի« Լոռու« Արմավիրի« Գեղարքունիքի« Տավուշի և Սյունիք մարզերում բնակվող ծրագրավորողներ« բլոգերներ« ակտիվ քաղաքացիներ« ովքեր իրենց գործունեության մեջ կիրառում են համացանցի գործիքները, նրանք« ովքեր կկարողանան առանձնացնել իրենց մարզին առնչվող սոցիալական որևէ հիմնախնդիր ու առաջարկել դրա լուծման տարբերակ՝ առցանց կամ ցանցից դուրս միջոցներով: