Հայաստանում թունավորումները «երիտասարդացել» են. Կարեն Չիլինգարյան
ԱՐԽԻՎ
Հայաստանում թունավորման «տարիքը» երիտասարդացել է, սակայն եթե տնտեսվարողները մի քանի անգամ պատժի ենթարկվեն, ավելի զգոն կլինեն: Ինչպես հաղորդում է «Արմենպրես»-ը, նման տեսակետ լրագրողների հետ հանդիպմանը հայտնեց «Սպառողների խորհրդատվական կենտրոն» ՀԿ նախագահ Կարեն Չիլինգարյանը:
«Հայաստանում թունավորվողները «երիտասարդացել» են: Եթե նախկինում թունավորումների դեպքեր էին գրանցվում ռեստորաններում, ապա վերջին ժամանակներում դրանք արձանագրվում են մանկապարտեզներում և դպրոցներում: Սննդամթերքի անվտանգության հետ կապված խնդիր կա մեր երկրում: ՍԱՊԾ-ն կամ լուրջ չի մոտենում հարցին, կամ էլ լծակներ չունի»,- «Արմենպրես»-ի փոխանցմամբ' նշեց Կարեն Չիլինգարյանը:
Մասնագետը վստահ է, որ ցանկացած ժամանակ տեսուչը ստուգայց կատարելու նպատակով պետք է հնարավորություն ունենա մտնել այս կամ այն օբյեկտ:
«Արդեն որերորդ անգամ թունավորումներ են լինում: Սա մտահոգում է հանրությանը: Եթե տնտեսվարողները մի քանի անգամ պատժի ենթարկվեն, ավելի ճիշտ կաշխատեն»,-նշեց նա:
Կարեն Չիլինգարյանի խոսքով' տարատեսակ ստուգայցերին պետք է մասնակցեն նաև հասարակական կազմակերպությունների ներկայացուցիչները: «Եթե նախկին տարիներին գրանցվում էին մեկ-երկու թունավորումներ, ապա այժմ դրանք համաճարակի են նմանվում. 30-40 հոգին մեծ թիվ է»,- եզրափակեց նա:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
