Արքայազն Հարրին և դերասանուհի Քրեսիդա Բոնասը պատրաստ են վերականգնել հարաբերությունները

Մեծ Բրիտանիայի արքայազն Հարրին, որը սեպտեմբերի 15-ին տոնում Է իր ծննդյան 31-րդ տարեդարձը, եւ 25-ամյա դերասանուհի Քրեսիդա Բոնասը, ամենայն հավանականությամբ, որոշել են վերականգնել հարաբերությունները: Այդ մասին, ինչպես տեղեկացնում Է «Արմենպրես»-ը, հաղորդել են բրիտանական թերթերը՝ վկայակոչելով Քրե սիդայի շրջապատի աղբյուրների:

«Քրեսիդան մտածում Է այն մասին, որ եւս մեկ շանս տա Հարրիի հետ իր հարաբերություններին: Հարրին առաջվա պես թանկ Է նրա համար, եւ նա առաջվա պես այն կարծիքին Է, որ Հարրին իր երազած տղամարդն Է, թեեւ ինքն Էլ հենց դադարեցրել Է հարաբերությունները, որպեսզի զբաղվի իր դերասանական կարիերայով»,-գրում Է լոնդոնյան Metro թերթը:

International Business Times-ը եւ Independent-ն, իրենց հերթին, ներկայացնում են love story-ի հավելյալ մանրամասներ:

«Քրեսիդան եւ Հարրին շարունակում են շփվել: Ինչպես երեւում Է՝ նա չի կարողանում իր գլխից դուրս հանել Հարրիին: Ինչպես եւ Չելսիին (Դեւի, արքայազնի նախկին ընկերուհին), Քրեսիդային Էլ դուր չեն գալիս այդ ամբողջ ուշադրությունը եւ պրոտոկոլի պահանջները, որոնք ուղեկցում են արքայազն Հարրիի ընկերուհու կարգավիճակին, բայց նա կարոտում Է նրան, իսկ նրա ընտանիքը պաշտում Է Հարրիիին»,-գրում Է Independent-ը:

Վերջերս, ըստ ԶԼՄ-ների տվալների, Հարրին Հարավային Աֆրիկա կատարած ուղեւորության ժամանակ հանդիպում Էր Չելսի Դեւիի հետ, հաղորդել Է ՌԻԱ Նովոստին: