Չեխիայի Սենատի փոխնախագահը Հայաստանը կարևոր տնտեսական գործընկեր է համարում
ԱՐԽԻՎ
Հայ-չեխական տնտեսական հարաբերությունները զարգացման միտում ունեն եւ Չեխիայի Սենատի փոխնախագահ Զդենեկ Շկրոմակը վստահ է, որ թե' իր գլխավորած պատվիրակության այցը Հայաստան, թե' մյուս ամիս Չեխիայի արդյունաբերության եւ էկոնոմիկայի նախարարի այցը կնպաստեն, որ տնտեսական ոլորտում Հայաստանն ու Չեխիան նոր ձեռքբերումներ ունենան: «Արմենպրես»-ի փոխանցմամբ' Առեւտրաարդյունաբերական պալատում կայացած հանդիպման ժամանակ Շկրոմակն ասաց, որ Հայաստանը շատ կարեւոր երկիր է Չեխիայի համար եւ հատկապես այն հանգամանքը, որ Չեխիան ԵՄ անդամ պետություն է, իսկ Հայաստանը' ԵԱՏՄ, ավելի է մեծացնում համագործակցության հնարավորությունները:
«Քննարկել ենք բազմաթիվ հարցեր օրենսդրության, ինչպես նաև տարբեր տնտեսական ծրագրերի հետ կապված: Հանգամանքը, որ Չեխիան ԵՄ-ի անդամ պետություն է, իսկ Հայաստանը' ԵԱՏՄ, մեծ հնարավորություն է ստեղծում համագործակցելու տնտեսական ոլորտում»,- ասաց Շկրոմակը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
