Ֆրանսիան Սիրիայում ԻՊ-ի դիրքերին ավիահարվածներ կհասցնի «առաջիկա շաբաթներին»
ԱՐԽԻՎ
Ֆրանսիայի պաշտպանության նախարար Ժան Իվ Լե Դրիանը հայտարարել Է, որ երկրի ռազմաօդային ուժերն «առաջիկա շաբաթներին» կսկսեն հարվածներ հասցնել Սիրիայում «Իսլամական պետություն» (ԻՊ) արմատական խմբավորման զինյալների դիրքերին: Այդ մասին, ինչպես տեղեկացնում Է «Արմենպրես»-ը, հաղորդել Է «Ֆրանսպրես» գործակալությունը:
Ավիահարվածները կհասցվեն «առաջիկա շաբաթներին, հենց որ մենք հստակորեն որոշենք թիրախները»,- ասել Է Լե Դրիանը՝ սեպտեմբերի 16-ին ելույթ ունենալով France Inter ռադիոկայանի եթերում:
Ֆրանսիայի նախագահ Ֆրանսուա Օլանդը սեպտեմբերի 14-ին հայտարարել Էր, որ Սիրիայում «Իսլամական պետություն» արմատական խմբավորման զինյալների դիրքերին ավիահարվածներ հասցնելուն Ֆրանսիայի ռազմաօդային ուժերի մասնակցությունն «անհրաժեշտ Է»: Ավելի վաղ նա պաշտպանության նախարարին հանձնարարել Էր հետախուզական թռիչքներ կատարել Սիրիայի սահմանին, նշելով, որ երկիրը պատրաստ կլինի Սիրիայի տարածքում հարվածներ հասցնել ԻՊ-ի դիրքերին: Դրա հետ մեկտեղ Օլանդն ընդգծել Է, որ Ֆրանսիան չի պլանավորում ցամաքային զորքեր ուղարկել Սիրիա, հաղորդել Է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
