Հունգարիան Բեռլինին մեղադրել է «բարոյական իմպերիալիզմի» մեջ

Հունգարիայի վարչապետ Վիկտոր Օրբանը Գերմանիային մեղադրել Է «բարոյական իմպերիալիզմի» մեջ՝ քննադատելով Եվրոպայում միգրացիոն ճգնաժամի լուծմանն ուղղված նրա գործողությունները, տեղեկացնում Է «Արմենպրես»-ը՝ հղում անելով BBC-ին:

Ելույթ ունենալով Բավարիայի տարածաշրջանային խորհրդարանում՝ Օրբանը հայտարարել Է, թե այն բոլոր որոշումները, որոնք կայացնում Է Գերմանիան, պետք Է վերաբերեն միայն իրեն: Մյուս երկրները, ներառյալ Հունգարիան, չպետք Է ենթարկվեն Բեռլինին:

Ինչպես ճշտել Է Sueddeutsche Zeitung թերթը, Օրբանն առաջարկել Է միգրացիոն ճգնաժամի լուծման՝ սեփական տարբերակը: Այն ենթադրում Է Հունաստանում, որտեղով միգրանտների մեծ մասը մտնում Է Եվրոպա, սահմանային վերահսկողության միջազգային ծառայության ստեղծում:

Բացի դրանից, Հունգարիայի վարչապետը պահանջում Է տնտեսական միգրանտներին զատել գաղթականներից Եվրամություն նրանց ժամանումից անմիջապես հետո:

Օրբանի գնահատմամբ՝ այս նախաձեռնությունների իրագործումը Եվրամիության վրա 3 միլիարդ եվրո կնստի:

Հունգարիան պատկանում Է այն երկրների թվին, որոնք խստորեն քննադատել են Եվրամիության անդամ երկրներում 120 հազար գաղթականներ տեղաբաշխելու ԵՄ-ի իշխանությունների որոշումը:

Բացի Հունգարիայից, այդ համակարգից արդեն դժգոհություն են հայտնել Չեխիան, Ռումինիան եւ Սլովակիան: Վերջինս խոստացել Է դատարանում բողոքարկել բաժնեմասերի համակարգը:

Հունգարիան այն երկրների թվում Է, որոնց տարածքով Մերձավոր Արեւելքից գաղթականները փորձում են ճեղքել-անցնել Եվրոպայի խորքը՝ Գերմանիա կամ Շվեդիա: Այս տարի Հունգարիայի տարածքով անցել Է ավելի քան 200 հազար միգրանտ: