Volkswagen-ը խոստովանել Է մեքենայությունները Եվրոպայի շուկայում

Գերմանիայի Volkswagen ավտոմոբիլային կոնցեռնը խոստովանել Է, որ ավտոմեքենաների վնասակար արտանետումների ցուցանիշների մեքենայություններով Է զբաղվել ոչ միայն ԱՄՆ-ի, այլեւ Եվրոպայի շուկայում, տեղեկացնում Է «Արմենպրես»-ը՝ հղում անելով BBC-ին:

Գերմանիայի տրանսպորտի նախարար Ալեքսանդեր Դոբրինդտը հայտարարել Է, որ կոնցեռնը խոստովանել Է մեղքը եւ հետաքննության ժամանակ իշխանությունների հետ համագործակցելու պատրաստակամություն Է հայտնել:

Այն ավտոմեքենաների թիվը, որոնց վրա կոնցեռնը ենթադրաբար տեղակայել Է մթնոլորտ վնասակար արտանետումների ծավալը նվազեցնող սարք, գնահատվում Է 11 միլիոն: Ըստ որում առայժմ անհայտ Է, թե դրանցից որքանն Է գտնվում Եվրոպայում:

Նախարարը նաեւ խոստացել Է անցկացնել նոր թեստեր: Դոբրինդտի խոսքով՝ այժմ փորձաքննությունները կանցկացվեն ոչ թե լաբորատորիաներում, այլ անմիջականորեն ճանապարհին, ինչն Էապես կդժվարացնի խարդախությունը:

Գերմանիայի տրանսպորտի նախարարության ղակավարը հավելել Է, որ ընտրակային թեստերի կենթարկեն ոչ միայն Volkswagen-ի արտադրանքը, այլեւ Գերմանիայի մյուս ավտոարտադրողների կողմից պատրաստված ավտոմեքենաները: Սպասվում Է, որ շուկային ծրագրային ապահովմամբ ավտոմեքենաների մատակարարման համար տուգանքները, ծրագրային ապահովում, որը խաբել Է սպառողներին, կկազմեն 18 միլիարդ դոլար:

Սկանդալի ֆոնին Volkswagen-ի վարչության նախագահ Մարտին Վինտերկոռնը պաշտոնաթողություն Է խնդրել: