Թուրքիան շահագրգռված է ԵԱՏՄ-ի հետ համագործակցության ակտիվացմամբ

Թուրքիան շահագրգռված Է Եվրասիական տնտեսական միության հետ համագործակցության ակտիվացմամբ: Այդ մասին հայտարարել Է երկրի Էկոնոմիկայի նախարար Նիհաթ Զեյբեկջին Ղազախստանի ազգային Էկոնոմիկայի նախարար Երբոլաթ Դոսաեւի հետ կայացած հանդիպման ընթացքում, տեղեկացնում Է «Արմենպրես»-ը՝ հղում անելով Ղազախստանի Էկոնոմիկայի նախարարության մամուլի ծառայության սեպտեմբերի 29-ի հաղորդագրությանը:

«Թուրքիայի Հանրապետության Էկոնոմիկայի նախարար Նիհաթ Զեյբեկջին նշել Է իր երկրի շահագրգռությունը «Նուռլի ժոլ» պետական ծրագրի, Ակտաու ծովային նավահանգստի արդիականացման նախագծերի իրացմանը մասնակցության հարցում, ինչպես նաեւ առաջարկել Է ակտիվացնել Թուրքիայի համագործակցությունը ԵԱՏՄ-ի երկրների հետ»,-ասված Է հաղորդագրության մեջ:

Կողմերը քննարկել են երկկողմ առեւտրատնտեսական հարաբերությունները եւ ներդրումային համագործակցության հարցերը: «2005 թվականից մինչեւ 2015 թվականի առաջին եռամսյակը Ղազախստանում կատարվել են ավելի քան 1,8 մլրդ դոլար թուրքական ուղղակի ներդրումներ: Իր հերթին Ղազախստանը գրեթե 970 մլն դոլար Է ներդրել Թուրքիայում»,-հայտնել Է Ղազախստանի Էկոնոմիկայի նախարարը:

Մամուլի տեղեկագրի համաձայն՝ Ղազախստանի եւ Թուրքիայի միջեւ ապրանքաշրջանառությունն ընթացիկ տարվա յոթ ամսում կազմել Է 1,2 մլրդ դոլար, հաղորդել Է ՌԻԱ Նովոստին: