ԱՄՆ-ի նախագահը և Իրանի ԱԳ նախարարը 1979 թվականից ի վեր առաջին անգամ միմյանց ձեռք են սեղմել ՄԱԿ-ում

ԱՄՆ-ի նախագահ Բարաք Օբաման եւ Իրանի արտաքին գործերի նախարար Մոհամադ Ջավադ Զարիֆը միմյանց ձեռք են սեղմել Նյու Յորքում ընթացող ՄԱԿ-ի Գլխավոր ասամբլեայի շրջանակներում, տեղեկացնում Է «Արմենպրես»-ը՝ հղում անելով ԻՌՆԱ գործակալությանը:

Ինչպես գործակալությանը հայտարարել Է Իրանի պատվիրակությանը մոտ կանգնած մի աղբյուր, ԱՄՆ-ի ղեկավարի եւ Իրանի ԱԳ նախարարի ողջույնը վաղօրոք պլանավորված չԷր: Գործակալության տվյալներով՝ դա ԱՄՆ-ի նախագահի եւ Իրանի բարձրաստիճան պաշտոնյայի առաջին ձեռքսեղմումն Էր 1979 թվականից ի վեր, երբ երկրում տեղի ունեցավ իսլամական հեղափոխություն:

Ավելի վաղ հաղորդվել Է, որ Նյու Յորքում ՄԱԿ-ի Գլխավոր ասամբլեայի շրջանակներում կայացել Է միջազգային միջնորդների «վեցյակի» (Ռուսաստան, Ֆրանսիա, ԱՄՆ, Չինաստան, Գերմանիա, Մեծ Բրիտանիա) եւ Իրանի ԱԳ նախարարների հանդիպումը:

Իրանը եւ միջազգային բանակցորդների «վեցյակը» հուլիսի 14-ի գիշերը պատմական համաձայնության են հասել Թեհրանի միջուկային ծրագրի հետ կապված բազմամյա խնդրի կարգավորման շուրջ: Բարդագույն բանակցություններն ավարտվել են գործողությունների համատեղ համապարփակ ծրագրի ընդունմամբ, որի կատարումը կբերի Իրանի նկատմամբ գործող տնտեսական ու ֆինանսական այն պատժամիջոցների չեղարկման, որոնք ավելի վաղ սահմանվել են ՄԱԿ-ի Անվտանգության խորհրդի, ԱՄՆ-ի եւ Եվրամիության կողմից, հաղորդել Է ՌԻԱ Նովոստին: