Իսրայելը նավթի խոշոր հանքավայր Է հայտնաբերել Գոլանի բարձունքներում

Afek Oil & Gas ընկերությունը նավթի հսկայական հանքավայր Է հայտնաբերել Իսրայելի Գոլանի բարձունքներում, որտեղ արդյունահանումը երկրի նավթի պահանջմունքը կբավարարի երկար տարիներ, տեղեկացնում Է «Արմենպրես»-ը՝ հղում անելով Globes հրատարակչությանը:

«Նավթաբեր տեղամասը, որը մենք գտել ենք, հասնում Է 350 մետր հաստության: Աշխարհում նավթաբեր շերտերի միջին հաստությունը 20-30 մետր Է, այնպես որ դա տասն անգամ ավելի մեծ Է: Այդպիսով՝ խոսքը վերաբերում Է այդ հանքավայրում նավթի զգալի քանակությանը»,-հայտարարել Է ընկերության գլխավոր երկրաբան Յուվալ Բարտովը:

Գոլանի բարձունքներում հետախուզական երեք հորատումների արդյունքում հայտնաբերվել են նավթի մեծ պաշարներ: Արդյունահանման ներուժը հասնում Է նավթի միլիարդավոր բարելների, որոնք կկարողանան ապահովել Իսրայելի պահանջարկը, որն օրական սպառում Է 270 հազար բարել նավթ, նշում Է հրատարակությունը:

Գոլանի բարձունքները վիճահարույց տարածք Է Մերձավոր Արեւելքում: Մինչեւ 1967 թվականն այն Սիրիայի բաղկացուցիչ մասն Էր եւ Իսրայելի կողմից բռնազավթվել Է Վեցօրյա պատերազմի ընթացքում: 1981 թվականի դեկտեմբերին Իսրայելի խորհրդարանը օրենք Է ընդունել Իսրայելի իրավասությունը Գոլանի բարձունքների վրա տարածելու մասին, հաղորդել Է ՌԻԱ Նովոստին: