Քեսաբցիներն ավարտել են բերքահավաքը և պատրաստվում են ձմեռնամուտին
ԱՐԽԻՎ
Քեսաբում ընդհանուր առմամբ իրավիճակը խաղաղ է, միջադեպեր տեղի չեն ունենում: Այս մասին «Արմենպրես»-ի հետ զրույցում տեղեկացրեց Սփյուռքահայության շտապ օգնության գործադիր մարմնի անդամ Կարո Մանճիկյանը' ավելացնելով, որ միջադեպեր Քեսաբից դուրս են լինում, թեժ ճակատը գյուղաքաղաքից բավական հեռու է: «Հուսանք, որ առհավետ հեռու կմանանք վտանգից, և ամբողջ երկիրը դուրս կգա այս ծանր վիճակից: Երկրում լավատեսություն է նկատվում»,- հավելեց նա:
«Քեսաբցիներն արդեն ավարտել են բերքահավաքը և պատրաստվում են ձմեռնամուտին, փայտ, վառելանյութ են հայթայթում»,- նշեց Մանճիկյանը' ավելացնելով, որ եղանակն արդեն անձրևային է: Պետությունը սահմանափակ քանակությամբ վառելանյութ է վաճառել բնակիչներին:
Մանճիկյանի խոսքով' Քեսաբում կյանքն ընթանում է բնականոն հունով, դպրոցում սովորականի նման ընթանում են դասերը, մարդիկ զբաղվում են իրենց առօրյա հոգսերով:
Քեսաբը սիրիական բանակի կողմից ազատագրվել է 2014թ. հունիսի 15-ին, և բնակչության մեծ մասը վերադարձել է այնտեղ: Քեսաբի բոլոր հաստատությունները, տները և բնակարանները, առանց բացառության, վնասներ էին կրել:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
