ԵԱՀԿ-ի գլխավոր քարտուղարը զգուշավոր լավատեսություն է հայտնել «Մինսկ-2»-ի իրագործման կապակցությամբ

ԵԱՀԿ-ի գլխավոր քարտուղար Լամբերտո Զանիերը հայտարարել է, որ «զգուշավոր լավատեսություն» ունի Մինսկի համաձայնագրերի կատարման հարցում, տեղեկացնում է «Արմենպրես»-ը:

«Գիտեք, որ դա այնքան էլ դյուրին չէ. դա տեւական գործընթաց է, երբ միաժամանակ քննարկվում են տարբեր հարցեր: Երբեմն առաջընթաց կա մի բնագավառում, բայց հետո այն կարող է դանդաղել, եւ քննարկումներ են ընթանում այլ հարցերի շուրջ: Պետք է ասեմ, որ ես զգուշավոր լավատեսություն ունեմ»,- ասել է Զանիերը «Կոմերսանտ» թերթին տված հարցազրույցում: Նրա խոսքով՝ սեպտեմբերի 1-ից հրադադարի համաձայնագիրը «զգալի չափով պահպանվում է»:

Հարցին՝ անխուսափելի է արդյոք 2015 թվականից հետո Մինսկի համաձայնագրերի երկարաձգումը, հրատարակության զրուցակիցը պատասխանել է. «Հաշվի առնելով վերջին իրադարձությունները եւ Ուկրաինայի օրենսդրությանը համապատասխան Դոնեցկի ու Լուգանսկի մարզերի առանձին շրջաններում ընտրությունների կազմակերպման անհրաժեշտությունը, դյուրին չի լինի տեղավորվել Մինսկում համաձայնեցված գրաֆիկում», հացորդել է ՌԻԱ Նովոստի գործակալությունը: