Chanel-ը ռեգբիի գնդակ Է ստեղծել

Ֆրանսիական Chanel նորաձեւության տունը Rugby World Cup-ի մրցաշարի պատվին թողարկել Է ռեգբիի դիզայներական գնդակներ: Դրանք ներկայացված են սպիտակ, մուգ կարմիր, կապույտ եւ սեւ գույներով, հաղորդում Է «Արմենպրես»-ը՝ հղում անելով Mashable-ին:

Գնդակներից յուրաքանչյուրը զարդարված Է ապրանքանիշի ֆիրմային լոգոտիպով եւ Chanel-ի նշանավոր ցանցով: Ապրանքը թողարկվել Է սահմանափակ քանակով եւ հասանելի Է նորաձեւության տան կայքում:

Ռեգբիի աշխարհի առաջնությունն անցկացվում Է Մեծ Բրիտանիայում՝ սեպտեմբերի 18-ից մինչեւ հոկտեմբերի 31-ը: Գավաթը, որն անվանվել Է ռեգբի խաղի հիմնադիր Ուիլյամ Ուեբ Էլիսի պատվին, 1906 թվականին պատրաստվել Է Garrard’s Crown Jewellers ֆիրմայի կողմից: Հաղթանշանը պատրաստված Է արծաթից եւ ոսկեզօծված Է:

Chanel նորաձեւության տունը մոդելագործ Գաբրիել (Կոկո) Շանելի կողմից Ֆրանսիայում հիմնվել Է 1909 թվականին: 1921 թվականին Շանելը պարֆյումեր Էռնեստ Բոյի հետ միասին թողարկել Է մակնիշի առաջին բույրը՝ Chanel №5-ը: 1924 թվականին ձեռնարկատեր Պիեռ Վեյտեյմերի հետ համատեղ դիզայները հիմնել Է ընկերության օծանելիքի ստորաբաժանումը՝ Parfums Chanel-ը, որը ներկայում զբաղվում Է նաեւ կոսմետիկայի արտադրությամբ: Parfums Chanel-ի գովազդային արշավներին մասնակցել են կինոաստղեր Մերիլին Մոնրոն, Կատրին Դենյովը, Կիրա Նայթլին, Նիկոլ Քիդմանը, Կարոլ Բուքեն, Օդրի Տոտուն եւ ուրիշներ: