Իրանցի զինվորները և լիբանանյան «Հըզբոլլահ»-ի անդամներն աջակցում են Հալեպի ռազմական գործողություններին

Հալեպի հարավային շրջաններում հոկտեմբերի 16-ին մեկնարկած սիրիական բանակի հարձակումներին աջակցում են իրանցի զինվորները և լիբանանյան «Հըզբոլլահ»-ի անդամները: Այս մասին տեղեկացնում են ռազմական աղբյուրները: Ինչպես հաղորդում է «Արմենպրես»-ը, վկայակոչելով ara.reuters.com կայքը, ցամաքային ուժերի մեծամանություն են կազմում սիրիացի զինվո րները, որոնց աջակցում են ռուսական ուժերը:

Ավելի վաղ տեղեկություններ էին ստացվել, որ սիրիական բանակը հարձակում է սկսել Հալեպի հարվային շրջանների վրա և արդեն իսկ վերահսկողություն հաստատել մի շարք բնակավայրերում:

Սիրիական ուժերն առաջ են շարժվել մի քանի ուղղություններով և կարողացել են վերահսկողություն հաստատել Աբտին, Հիդադին ալ Ղարբիա, Քասարաթ գյուղաքաղաքների, ինչպես նաև Մդաջին շրջանի վրա:

Դամասկոսից 355 կմ հեռավորության վրա գտնվող Հալեպ քաղաքը 2012թ.-ի օգոստոսից բաժանված է երկու մասի: Արևմտյան շրջանները գտնվում են սիրիական բանակի, իսկ արևելյանը' երկու տասնյակ զինված խմբավորումների վերահսկողոթւյան տակ:

Սիրիական բանակն ավելի քան չորս տարի անընդմեջ պայքար է մղում տասնյակ զինված խմբավորումների դեմ՝ փորձելով երկրում վերականգնել կայունությունն ու անվտանգությունը: ՄԱԿ-ի տվյալներով, սիրիական հակամարտության ընթացքում զոհերի թիվը գերազանցել է 220 հազարը: