Սլովենիայի իշխանությունները թույլատրել են հազարավոր գաղթականների մուտքը երկիր

Սլովենիայի իշխանությունները հայտնել են, որ Սիրիայից փախստականների մեծ մասին, որոնք մի քանի օր ապրել են Խորվաթիայի ճամբարներում՝ Սլովենիայի հետ սահմանում, թույլատրել են մտնել երկիր: Սահմանով անցել է շուրջ հինգ հազար մարդ, տեղեկացնում է «Արմենպրես»-ը՝ հղում անելով BBC-ին:

Հոկտեմբերի 19-ը գաղթականները ժամեր շարունակ անցկացրել են ցուրտ, խոնավ ու կեղտոտ դաշտերում, մինչ նախկին Հարավսլավիայի երկրների իշխանությունները վիճում էին, թե նրանցից յուրաքանչյուրը քանի գաղթական կարող է ընդունել:

Իրավապաշտպանները նախազգուշացնում են, որ նոր ժամանած գաղթականները հայտնվել են ծանր պայմաններում:

Լյուբլյանայում ավելի վաղ էլ ասում էին, որ կարող են տեղավորել միայն սահմանափակ թվով գաղթականների:

Հոկտեմբերի 18-ին Սլովենիան պաշտոնապես սահմանափակել է այն միգրանտների թիվը, որոնց կթույլատրվի մտնել երկիր: Օրական լիմիտ է սահմանվել 2,5 հազար մարդու չափով:

Խորվաթիայում լիմիտ է սահմանվել 5 հազար մարդու չափով: Ավստրիան օրական երկիր է թողնում միայն 1500 մարդու: