Վատիկանը հերքել է Հռոմի պապի՝ քաղցկեղով հիվանդ լինելու մասին լուրը
ԱՐԽԻՎ
Վատիկանը հերքել է իտալական ԶԼՄ-ներում շրջանառվող տեղեկությունն այն մասին, որ Հռոմի Ֆրանցիսկոս պապն ուղեղի ուռուցք ունի: Ինչպես հաղորդում է «Արմենպրես»-ը, այս մասին տեղեկացնում է Reuters գործակալությունը:
«Հռոմի պապը շարունակում է գործունեություն ծավալել իր սովորական բարձր ինտենսիվությամբ: Չհիմնավորված լուրերի տարածումը բացարձակապես անընդունելի է և ուշադրության արժանի չէ»,- ասել է Վատիկանի խոսնակ հայր Ֆեդերիկո Լոմբարդին:
Իտալական Quotidiano Nazionale պարբերականը հոկտեմբերի 21-ին թերթի շապիկին տեղադրել էր լուրն այն մասին, թե Հռոմի 78-ամյա պապը գաղտնի կերպով ուղղաթիռով գնացել է Տոսկանա՝ հանդիպելու ճապոնացի բժշկի: Նշվում էր, որ արգենտինացի պոնտիֆիկի մոտ ախտորոշվել է «փոքր սև կետ գլխուղեղի վրա», սակայն դա բուժելի է:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
