Թողարկվել է «Ջեյնը զենք է վերցնում ձեռքը» ֆիլմի թրեյլերը՝ Նաթալի Փորթմանի մասնակցությամբ (տեսանյութ)
ԱՐԽԻՎ
«Ջեյնը զենք է վերցնում ձեռքը» վեստեռնի ստեղծողները, որում գլխավոր դերերը խաղում են Նաթալի Փորթմանը և Յուեն Մաքգրեգորը, ներկայացրել են կինոնկարի առաջին պաշտոնական թրեյլերը: Ֆիլմը նկարահանել է ռեժիսոր Գևին Օ՛ Քոննորը, որը հայտնի է «Մարտիկը» կինոնկարից՝ Թոմ Հարդիի մասնակցությամբ, տեղեկացնում է «Արմենպրես»-ը:
Փորթմանը մարմնավորում է մի կնոջ, ով ստիպված է լինում զենք վերցնել իր ֆերման և ամուսնուն պաշտպանելու համար, որը վիրավորվել է մարդասպանների ելուզակախմբի կողմից: Գլխավոր չարագործի դերը խաղում է Յուեն Մաքգրեգորը («Ասեղի վրա», «Նվազ սովորական կյանք»): Ֆիլմին մասնակցում է նաև ավստրալացի դերասան Ջոել Էդգերթոնը («Մարտիկը», «Սև պատարագ»):
Նաթալի Փորթմանն ամերիկացի դերասանուհի է և ռեժիսոր: Նրան լայն ճանաչում է բերել Մաթիլդայի դերը Լյուք Բեսոնի «Լեոն» ֆիլմում: Փորթմանի մասնակցությամբ ֆիլմերի թվում են՝ «Պաղ լեռը», «Իմ հապալասե գիշերները», «Մոտիկություն» ժապավենները:
«Ջեյնը զենք է վերցնում ձեռքը» կինոնկարի պրեմիերան նշանակված է 2015 թվականի նոյեմբերի 25-ին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
