ԱՄՆ-ի օդային հարվածները Սիրիայում նկատելիորեն նվազել են
ԱՐԽԻՎ
Ամերիկյան օդային ուժերի հարվածները Սիրիայում «Իսլամական պետության» դիրքերի ուղղությամբ նկատելիորեն նվազել են ռուսական օդային ուժերի հարվածներից հետո: Այս մասին տեղեկացնում է ռուսական ՏԱՍՍ գործակալությունը' հղում անելով Defense News շաբաթաթերթին:
«Արմենպրես»-ի փոխանցմամբ, աղբյուրը տեղեկացնում է, որ ԱՄՆ-ի օդային ուժերը ողջ տարվա ընթացքում ամեն օր միջինը յոթ հարված են ուղղել Սիրիայում ԻՊ-ի դիրքերին, սակայն սեպտեմբերից, երբ Ռուսաստանը տեղակայել է իր ռազմական բազան Լաթաքիայի օդանավակայանում., ամերիկյան օդային հարվածների տեմպերը նվազել են' հասնելով մինչև չորս հարվածի:
Պենտագոնը հայտարարել է, որ նման գործողությունները կապված չեն ռուսական գործողությունների հետ: «Մենք ոչնչացնում են նպատակակետերն այնտեղ, որտեղ մենք դրանք գտնում ենք»,- նշել է Պենտագոնի ներկայացուցիչը' ավելացնելով, որ այս կերպ կարող է տեղի ունենալ օդային հարվածների աճ կամ նվազում:
ԱՄՆ-ի գլխավորությամբ միջազգային դաշինքի երկրները Սիրիայում ԻՊ-ի դեմ ռազմական գործողություններ սկսել են 2014թ. սեպտեմբերին: Մեկ տարվա ընթացքում օդային հարվածները նկատելի արդյունքներ չեն գրանցել: ԻՊ-ի ահաբեկիչները շարունակել են բռնություններ իրականացնել, տարածքներ գրավել Սիրիայում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
