19 մարդ Է մահացել Ինդոնեզիայում սաստկացող ծխամշուշի պատճառով

Ինդոնեզիայում 19 մարդ Է մահացել երկրում հաստատված սաստիկ մառախուղից ու ծխամշուշից սրված շնչառական հիվանդությունների պատճառով: Զոհերի մեծ մասը երեխաներ են, տեղեկացնում Է «Արմենպրես»-ը՝ հղում անելով BBC-ին:

Առողջապահության ազգային ծառայությունների տվյալներով՝ գրանցվել Է շնչուղիների սուր վարակների մոտավորապես կես միլիոն դեպք:

Աղտոտման գոտում գտնվում Է ավելի քան 43 մլն մարդ:

Ծխամշուշի հայտնվելու պատճառը դարձել են անտառային հրդեհները, որոնց ծուխը հասել Է Ասիայի նաեւ մյուս երկրներ, մասնավորպես, Թաիլանդ:

Երկրի նախագահ Ջոկո Վիդոդոն կրճատել Է իր այցը ԱՄՆ եւ վերադարձել Է Ինդոնեզիա՝ կարգավորելու ճգնաժամը:

Ավելի վաղ Ինդոնեզիայի փոխնախագահ Յուսուֆ Կալլան հայտարարել Է, որ երկրում կարող Է արտակարգ դրություն հայտարարվել մոլեգնող անտառային հրդեհների պատճառով, ինչը թույլ կտա համազգային ռեսուրսներ գործի դնել ճգնաժամի դեմ պայքարելու համար:

Ինդոնեզիայի օդերեւութաբանության, կլիմայագիտության եւ երկրաֆիզիկայի ազգային վարչությունը հաղորդել Է, որ անտառային հրդեհների հետեւանքներն զգացվում են աշխարհի խոշորագույն արշիպելագի տարածքի արդեն երեք քառորդում:

Ինդոնեզիան հրդեհների մարման խոշորագույն գործողությունն Է անցկացնում իր պատմության մեջ. միայն ցամաքում դրանց դեմ պայքարում են 22 հազարից ավելի զինվորներ ու ոստիկաններ: