Ամուսնությունները մեծացրել են վիրահատություններից հետո ողջ մնալու շանսերը

Ամերիկացի բժիշկները պարզել են, որ այրիացած եւ ամուսնալույծ հիվանդների մոտ սրտի վիրահատությունից հետո մահանալու կամ նոր հիվանդություն ստանալու շանսերն ամուսնացածների համեմատությամբ զգալիորեն ավելի մեծ են: Ինչպես տեղեկացնում Է «Արմենպրես»-ը, հետազոտության արդյունքները հրապարակվել են JAMA Surgery հանդեսում , իսկ դրա մասին հակիրճ հաղորդվում Է Ֆիլադելֆիայի Փենսիլվանիայի համալսարանի մամուլի տեղեկագրում:

Վաղուց հայտնի Է, որ ամուսնացած հիվանդներն ավելի հեշտ են տանում լուրջ վիրահատությունները: Նոր հետազոտության հեղինակները որոշել են պարզել ընտանեկան դրության ազդեցությունը հետվիրահատական վերականգնման եւ բարդությունների զարգացման հավանականության վրա: Բժիշկները տարեց մարդկանց շրջանում բազմամյա (1998 թվականից) հետազոտություն են կատարել շուրջ 30 հազար հիվանդների մասնակցությամբ:

Պարզվել Է, որ այրիացած եւ բաժանված հիվանդների մոտ սրտի վիրահատությունից հետո մահանալու կամ առողջական նոր խնդիրներ ստանալու շանսերը մեծ են 40 տոկոսով: Գիտնականները ենթադրում են, որ այս երեւույթը կապված Է ոչ միայն ամուսնացածների հոգեբանական կայունության, այլեւ այն օգնության հետ, որը մերձավոր հարազատները նրանց ցույց են տալիս հիվանդանոց եւ բժիշկ ընտրելիս: