Դերասան Ջոն Սարսգաարդը «Ջեքի» ֆիլմում խաղալու Է սենատոր Ռոբերտ Քենեդու դերը
ԱՐԽԻՎ
Ամերիկացի դերասան Ջոն Սարսգաարդը սենատոր Ռոբերտ Քենեդու դերն Է խաղալու «Ջեքի» ֆիլմում: Այդ մասին, ինչպես տեղեկացնում Է «Արմենպրես»-ը, հոկտեմբերի 28-ին հայտարարվել Է Լոս Անջելեսում:
«Ռոբերտ Քենեդու դերի համար դերասան գտնելու գործընթացը բավականին երկար ժամանակ տեւեց»,-նշում Է KPC ռադիոկայանը:
«Ջեքի» կինոնկարը պատմում 1963 թվականի նոյեմբերին Դալլասում ԱՄՆ-ի 35-ամյա նախագահ Ջոն Քենեդու սպանությունից հետո անցած չորս օրերի մասին: Պատմության կենտրոնում նրա տիկինն Է՝ Ժակլինը, որի դերը կատարում Է հոլիվուդյան հայտնի դերասանուհի Նաթալի Փորթմանը:
Ջոն Սարսգաարդը ճանաչում Է ստացել 2003 թվականին «Սթիվեն Գլասի խարդախությունը» ֆիլմի թողարկումից հետո: Այժմ վարձույթում Է նրա մասնակցությամբ «Սեւ պատարագ» կինոնկարը, որում Սարսգաարդը խաղացել Է հայտնի դերասան Ջոնի Դեփի հետ միասին:
«Ջեքի» ֆիլմի ռեժիսորը դարձել Է Պաբլո Լարաինը: Նրան նկատել են 2012 թվականին «Ոչ» կինոնկարի ցուցադրումից հետո, որը պատմում Է 1988 թվականի Չիլիի իրադարձությունների եւ Աուգուստո Պինոչետի լիազորությունների երկարացման շուրջ հանրահարցման նախապատրաստման մասին:
Կինոնկարի պրոդյուսերն Է ամերիկացի ռեժիսոր Դարեն Արոնոֆսկին: Ըստ հոլիվուդյան շրջանակների տվյալների՝ ֆիլմի նկարահանումները կմեկնարկեն ընթացիկ տարվա վերջին, հաղորդել Է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
